Ձեր վստահելի աղբյուրը

Հայաստանի ԱԳ նախարար Էդվարդ Նալբանդյանի հրավերով հունիսի 22-23-ը պաշտոնական այցով Հայաստանում է գտնվում Ռուսաստանի արտգործնախարար Սերգեյ Լավրովը:

ՀՀ-ի ու ՌԴ-ի արտաքին գերատեսչությունների ղեկավարները բանակցություններից հետո հանդես եկան համատեղ մամուլի ասուլիսով, որը ներկայացրել ենք կից տեսանյութով:

Ս. Լավրով. Ուկրաինայում խաղաղության հաստատման համար պետք է բանակցություններ ընթանան

Նալբանդյանն ու Լավրովը քննարկել են հարցերի լայն շրջանակ. «Մենք շահագրգռված ենք ՀՀ-ի հետ հարաբերությունների զարգացմամբ»

Ս. Լավրով. ՌԴ-ն շահագրգռված է ղարաբաղյան հակամարտության հիմնախնդրի շուտափույթ կարգավորմամբ

Հայաստանի ու Ադրբեջանի նախագահների պարբերական հանդիպումները գործընթացին մեծ թափ կհաղորդեն. Լավրով

ՌԴ-ն պատրաստակամ է ներդրում ունենալ հայ-թուրքական հարաբերությունների բարելավման գործում. Ս. Լավրով

Հիշեցնենք, որ օրերս՝ մինչ հայաստանյան այցը, հունիսի 17-18-ը Ս. Լավրովն այցելել էր Ադրբեջան, որտեղ այդ երկրի արտաքին գործերի նախարար Է. Մամեդյարովի հետ ունեցել էր համատեղ ասուլիս:

«Մենք Է. Մամեդիարովի հետ միասին անց ենք կացրել շատ կարևոր բանակցություններ: Ադրբեջանը մեր ռազմավարական գործընկերն է: Մենք զարգացնում ենք մեր հարաբերությունները բարեկամության, հավասարության և փոխշահավետության հիմքերի վրա: Այդ սկզբունքները զարգացել են դարերի ընթացքում, մենք պետք է դրանք բազմապատկենք և փոխանցենք գալիք սերունդներին:

Մեր հարաբերությունները զարգանում են ինտենսիվ` ոչ միան երկկողմանի ձևաչափով, այլև տարբեր ուղղություններով, ներառելով խնդիրների կայունությունն ու անվտանգությունը Հարավային Կովկասում և Կասպյան տարածաշրջանում:

Ինչպես ասաց Է. Մամեդյարովը, մեր աշխատանքի հիմքում ընկած է 2013-ի օգոստոսին Ադրբեջան այցի ընթացքում ՌԴ նախագահ Պուտինի հետ ձեռք բերված պայմանավորվածությունները: Պատվիրակությունների ակտիվ բանակցություններ է ընթանում. միայն հունիսին Ադրբեջանում ծրագրվում է անցկացնել մի շարք միջոցառումներ, որոնց կմասնակցեն Ռուսաստանի օրենսդիր և գործադիր մարմինների ներկայացուցիչներ: Պատվիրակությունները կուղարկվեն նաև Ռուսաստան: Մոտ ժամանակներում Գաբալայում կանցկացվի ռուս-ադրբեջանական տարածաշրջանային համաժողով, որին մասնակցելու համար ՌԴ-ի 25 մարզերից կգան 200 ներկայացուցիչներ: Այս տարվա հոկտեմբերին ծրագրվում է անցկացնել Բաքվի միջազգային հումանիտար համաժողով, որը կանցկացվի երկու նախագահների հովանու ներքո: Մենք գոհունակությամբ նշում ենք, որ պատրաստություններն ընթանում են բուռն ընթացքով:

Մենք կանոնավոր երկխոսություն ենք ստեղծել տարածաշրջանային և միջազգային հարցերի շուրջ: Անդրադարձել ենք ղարաբաղյան հակամարտության կարգավորմանը: Ողջունել ենք անցած տարվա աշնանը Վիեննայում Հայաստանի և Ադրբեջանի նախագահների հերթական հանդիպումը: Ընդգծել ենք, ԵԱՀԿ Մինսկի խմբի համանախագահների ջանքերը համաձայնություն ձևավորելու գործում: Որքան շուտ մենք համաձանեցնենք հաջորդական քայլերը, որոնք կօգնեն մեղմել իրավիճակը և շարժվել կայուն կարգավորման, այնքան լավ կլինի Հայաստանի, Ադրբեջանի և Կովկասյան տարածաշրջանի համար»,- հայտարարել է Ս. Լավրովը:

ՌԴ և Ադրբեջանի արտաքեին գերատեսչությունների ղեկավարների համատեղ մամուլի ասուլիսի մանրամասները՝  ՌԴ ԱԳՆ պաշտոնական կայքում: